Uładzimir Niaklajeŭ. Krapivienskaje pole
Uładzimir Niaklajeŭ napisaŭ vierš da hadaviny Aršanskaj bitvy. Paet źmiaściŭ jaho ŭ svaim fejsbuku.
Krapivienskaje pole
Na Krapivienskim poli viatry.
Pałyny. Na dałoni patry −
Zaharčyć. Torhnie sutarhaj, bolem.
Tut viaki prapłyli, jak viry pa Dniapry,
Za pałkami pałki
tut prajšli vajary,
Zmahary, što nakrytyja polem.
Na Krapivieńskim poli trava. Krapiva.
Tut kryvi napiłasia Maskva,
Tatarva z kryžakami ŭ chaŭrusie…
Tut nad imi
usimi
paŭstała Litva —
I abrynułasia ŭ Biełarusi!
Dzie ž my dzieli
litoŭskuju dolu?
Vielič prodkaŭ? Ich volnuju volu,
Što jany apłacili kryvioj?
Jak harčyć pałynom na Krapivienskim poli −
I piače krapivoj!..
8 vieraśnia minuła 505 hod ad dnia adnoj z samych słaŭnych vajskovych pieramoh našych prodkaŭ. U 1514 pad Oršaj vajary VKŁ na čale z hietmanam Kanstancinam Astrožskim uščent raźbili vializnaje maskoŭskaje vojska.