Zakančvajecca pryjom zajavak u Škołu maładoha litaratara W/Rights. Dedłajn — 20 vieraśnia!
Sajuz biełaruskich piśmieńnikaŭ zaprašaje ŭ Škołu piśmieńnictva «W/Rights». Kali tabie da 35 hadoŭ, i ty pišaš prozu, paeziju albo pierakładaješ vieršy z zamiežnych movaŭ — śmieła padavaj zajaŭku.
Novy adukacyjny prajekt spałučaje siamihadovy dośvied Škoły maładoha piśmieńnika i aktualnyja patreby maładych litarataraŭ. «W/Rights» abjadnoŭvaje paetaŭ, prazaikaŭ i pierakładčykaŭ, jakija padčas navučańnia nie tolki palepšać jakaść svaich tekstaŭ, ale i atrymajuć miechanizm realizacyi svaich kulturnickich pravoŭ. Prajekt ździajśniajecca ŭ partniorstvie z hramadska-kulturnickaj kampanijaj «Budźma biełarusami!», pravaabarončaj inicyjatyvaj «Žurnalisty za talerantnaść», Ofisam jeŭrapiejskaj ekśpiertyzy i kamunikacyj.
Vykładańnie ŭ Škole budzie vieścisia na dźviuch adździaleńniach: «Paezija/Pierakład paezii» i «Mastackaja proza».
Navučańnie ŭ Škole — biaspłatnaje!
Na adździaleńni prozy vykładajuć Hanna Butyrčyk, Natalla Pavalajeva i Ludmiła Rubleŭskaja, na adździaleńni «Paezija/Pierakład paezii» — Uljana Vieryna, Volha Hronskaja, Andrej Chadanovič.
Škoła piśmieńnictva «W/Rights» — heta:
- bazavyja viedy ŭ halinie kulturnickich pravoŭ;
- aktualnyja praktyki creative writing;
- kamunikacyja i ŭzajemnaje abmierkavańnie tekstaŭ z kalehami;
- teoryja prozy, paezii i paetyčnaha pierakładu;
- navučańnie asnovam pramocyi, kraŭdfandynha i fandrajzinha ŭ śfiery kultury;
- sieminary pa vyjaŭleńni movy varožaści ŭ tekstach;
- vorkšopy z najlepšymi paetami i piśmieńnikami Biełarusi;
- sustrečy z vydaŭcami, dyzajnierami i śpiecyjalistami pa aŭtarskim pravie;
- mahčymaść nadrukavać svaje tvory.
Umovy pastupleńnia
1) Uzrost: 18-35 hadoŭ.
2) Zajaŭka na adras shkola.pismennika@gmail.com
Zajaŭka pavinna ŭklučać:
1) uzor ułasnaj prozy (dla adździaleńnia «Mastackaja proza») albo paezii/pierakładu (dla adździaleńnia «Paezija/Pierakład paezii») luboha žanru na biełaruskaj movie abjomam 2-5 staronak;
2) matyvacyjny list z adkazam na pytańnie, čamu vy chočacie navučacca ŭ Škole;
3) śpis z 5-10 knih, jakija na vas paŭpłyvali najbolš.
Praviły afarmleńnia zajaŭki:
1) Tema lista: W/Rights z paznakaj «Mastackaja proza» albo «Paezija/Pierakład paezii».
2) Vašyja teksty, matyvacyjny list i śpis knih dasyłajcie razam adnym fajłam u farmacie.docx (.doc). Na pieršaj staroncy paznačcie svajo imia i proźvišča, adras pražyvańnia, datu naradžeńnia, e-mail i kantaktny numar telefona.
3) Fajł nazavicie łacinkaj nastupnym čynam ― «vašaje proźvišča, nižniaje padkreślivańnie, vašaje imia», naprykład:
Pashkevich_Alaiza.docx
Bahdanovich_Maksim.docx
Važna! Zajaŭki dla pastupleńnia prymajucca na elektronnuju poštu: shkola.pismennika@gmail.com da 20 vieraśnia 2019 hoda.
Zajaŭki nie recenzujucca. Pryjom pavodle konkursu. Pra vyniki pryjomnaj kampanii budzie paviedamlena na pačatku kastryčnika na sajcie lit-bel.org i ŭ paštovaj rassyłcy. Pry paśpiachovym zaličeńni ŭ Škołu vam paviedamiać heta da pačatku zaniatkaŭ pa numary telefona, jaki vy pakinuli.
Pośpiechaŭ!