Internet-ašukancy trojčy padmanuli žycharku Škłova, «pradajučy» adzin i toj ža spartyŭny kaścium
U Škłovie zaviali kryminalnuju spravu pa artykule «machlarstva».
40-hadovaja žycharka Škłova, prahladajučy navinavuju stužku sacyjalnaj sietki, zacikaviłasia spartyŭnym kaściumam, jaki možna było kupić. Jana pa telefonie źviazałasia z «pradaŭcami», jakija prapanavali joj ździejśnić płaciež.
Paśla adnoj niaŭdałaj, pa słovach «pradaŭcoŭ», tranzakcyi, žančyna ździejśniła jašče adnu, užo dvojčy zapłaciŭšy za abrany tavar. Zatym, pierakanaŭšysia ŭ banku ŭ tym, što dva płaciažy prajšli paśpiachova, žančyna źviarnułasia da «pradaŭcoŭ» z prośbaj viarnuć hrošy. Tyja pahadzilisia pieravieści ŭsie hrošy na kartku žančyny.
Davierlivaja hramadzianka dla hetaha tut ža pieradała ŭsie danyja svajoj karty, u tym liku CVV-kod. A paśla vyjaviła, što hrošy nie tolki nie viarnulisia, ale i 380 rubloŭ źnikła z kartki.