57-hadovy biełarus zabiŭ čatyroch ałkaholikaŭ z Maskvy, kab zajmieć ich kvatery
Nieŭzabavie ŭ Rasii pačniecca sud nad 57-hadovym hramadzianinam Biełarusi.
Jaho vinavaciać u zabojstvie čatyroch čałaviek, paviedamlajuć rasijskija śledčyja.
Jak miarkuje śledstva, biełarus dziejničaŭ u składzie arhanizavanaj złačynnaj hrupy.
Maskoŭskim adzinokim ałkaholikam prapanoŭvali pradać kvateru, a ŭzamien kupić žyllo na terytoryi Ćviarskoj vobłaści i atrymać hrošy.
Paśla zaklučeńnia ździełki ałkaholikam padmiešvali snatvornaje. A kali jany zasynali, zabivali. U materyjałach spravy pieraličvajucca sposaby — utapleńnie, zakapvańnie žyvymi ŭ ziamlu, rasstreł.
Ahułam na terytoryi Ćviarskoj vobłaści Rasii biełarus zabiŭ čatyroch čałaviek.
Aproč taho, z kartak paciarpiełych vyvieli kala $7000.
Maksimalnaje pakarańnie, jakoje pahražaje biełarusu, — pažyćciovaje źniavoleńnie. Rasstreły ŭ Rasii admienienyja.