«Najlepšy varyjant — źbirać rečy i mianiać krainu»: Zialenski zapatrabavaŭ zvolnić kiraŭnictva palicyi Žytomirščyny
UNIAN
Prezident Ukrainy Uładzimir Zialenski prosić ministra ŭnutranych spraŭ Arsiena Avakava zvolnić kiraŭnictva milicyi Žytomirskaj vobłaści. Pra heta prezident zajaviŭ padčas rabočaj pajezdki ŭ Žytomirskuju vobłaść, paviedamlaje RBK-Ukraina.
U pryvatnaści, Zialenski prosić vyzvalić ad pasady načalnika Žytomirskaj abłasnoj milicyi Viačasłava Piečanienku i kiraŭnikoŭ dvuch rajadździełaŭ.
«Chto taki «Pirat» Viktar Alejnik? Ci jość kryminalnyja spravy ŭ dačynieńni da hetaha čałavieka? Ja nie budu nazyvać usich imionaŭ, ja dumaju, što hetyja ludzi nas zaraz słuchajuć: najlepšy varyjant — źbirać rečy i mianiać krainu žycharstva. Heta budzie miakki varyjant dla ich. Kiraŭniki rajadździełaŭ milicyi Aleŭskaha i Aŭruckaha rajonaŭ, ja vielmi prašu vas zvolnić (źviartajučysia da kiraŭnika Nacyjanalnaj palicyi Siarhieja Kniazieva)», - skazaŭ Zialenski.
Zialenski taksama prapanoŭvaŭ syści ŭ adstaŭku Viačasłavu Piečanienku paśla dakładu ab vynikach baraćby ź niezakonnaj zdabyčaj burštynu.