Pamierła pieršaja ciemnaskuraja łaŭreatka Nobiela pa litaratury
Amierykanskaja piśmieńnica i łaŭreatka Nobieleŭskaj premii pa litaratury Toni Morysan pamierła va ŭzroście 88 hadoŭ, paviedamlaje AP.
Toni Morysan stała pieršaj ciemnaskuraj žančynaj, jakaja atrymała Nobieleŭskuju premiju pa litaratury. Heta adbyłosia ŭ 1993 hodzie. U jaje biblijahrafii 11 ramanaŭ, apošni ź jakich «Boža, dapamažy majmu dziciaci» byŭ vydadzieny ŭ 2015 hodzie. Jana taksama pisała dziciačuju prozu, pjesy i zajmałasia litaraturnaj krytykaj.
Morysan taksama atrymała Pulitceraŭskuju premiju za knihu «Kachanaja».