Sprečny płakat polskaj dyzajnierki źniali z vystavy ŭ Breście
Z vystavy płakataŭ CZEŚĆ BRZEŚĆ! u Breście, padrychtavanaj studentami i vykładčykami Akademii mastactvaŭ u Katavicach da 1000-hodździa Bresta, źniali skandalny płakat. Pra heta paviedamiŭ u siabie ŭ Instagram brescki krajaznaŭca Ivan Čajčyc.
Aŭtarka płakata, Iaana Ledvaruch, uziała za asnovu manumient «Mužnaść», jaki znachodzicca ŭ Bresckaj krepaści. Na płakacie sałdat u akularach, jon uśmichajecca i robić sełfi.
Hetaja praca vyklikała burnuju dyskusiju ŭ sacsietkach. Adny paličyli płakat kreatyŭnym, inšyja asudzili jaho aŭtarku, paličyŭšy, što heta abraza pamiaci.