U Paŭdniovaj Afrycy turysta zarezali za zaplečnik
U Paŭdniova-Afrykanskaj Respublicy zabili ŭkrainca, jaki padarožničaŭ turysckaj ściežkaj da Chaŭt-biej. Heta adbyłosia ŭ subotu ŭ nacyjanalnym parku Tab-Maŭncin-Majn pablizu druhoha pa vieličyni paŭdniovaafrykanskaha horada Kiejptaŭn, piša VVS.
Fota: Community Crime Prevention.
Pavodle paŭdniovaafrykanskich ŚMI, mužčynu zvali Ivan Ivanoŭ, jamu było 44 hady.
Ministerstva zamiežnych spraŭ Ukrainy pakul nie kamientuje hetyja paviedamleńni.
«Paśla karotkaj bojki z tryma napadnikami jaho niekalki razoŭ nažom udaryli ŭ hrudzi i jon ściok kryvioju», — piša vydańnie IOL sa spasyłkaj na miascovyja krynicy.
Zatym złamyśniki ŭciakli ŭ bok Chaŭt-biej.
Miarkujecca, što napad vyklikali zaplečnik i inšyja rečy turysta.
Adnaho ź vierahodnych zabojcaŭ, jaki nios zaplečnik, zaŭvažyli miascovyja žychary i paviedamili ŭ palicyju.
Pravaachoŭniki zatrymali padazravanaha i dastavili jaho ŭ pastarunak.
Akramia zaplečnika ŭkrainca ŭ zatrymanaha vyjavili i mabilny telefon Ivanova.