U Breście znoŭ vyjšli pratestavać suprać akumulatarnaha zavoda
Dniom 28 lipienia, kali ŭ Breście prachodzili śviatočnyja mierapryjemstvy da Dnia horada, na płoščy Lenina znoŭ prajšła maŭklivaja akcyja pratestu suprać akumulatarnaha zavoda. Pavodle źviestak pravaabaroncaŭ, na jaje vyjšli kala 150 čałaviek, paviedamlaje Bresckaja hazieta.
Hałoŭnaj temaj abmierkavańnia była ŭčorašniaja razmova aktyvista Dźmitryja Biekaluka z namieśnikam ministra pryrody Andrejem Chmialom. Nahadajem, čynoŭnik rastłumačyŭ situacyju z admoŭnym zaklučeńniem dziaržaŭnaj ekałahičnaj ekśpiertyzy prajekta zavoda. Ciapier jano adzinaje sapraŭdnaje. Pavodle jaho infarmacyi, pryčynaj admoŭnaha zaklučeńnia stali niedakładnyja danyja, zakładzienyja ŭ prajekcie zavoda.
«Toje, pra što my maryli ŭ lutym minułaha hoda ŭ Telmach, ciapier realnaść. Vykazać zdahadku, što takoje moža być u Biełarusi, ciažka. Heta tolki dziakujučy ludziam, jakija pastavili svaje podpisy suprać zavoda i jakija rehularna kormiać hałuboŭ», — ličyć adzin ź lidaraŭ pratestnaha ruchu Dźmitryj Biekaluk.