Adstajom, ale nahonim?
Z pačatku finansavaha kryzisu aficyjny kurs dołara ŭ Biełarusi vyras na 30%, u Rasii — na 53%, va Ukrainie — na 59%.
Z pačatku finansavaha kryzisu aficyjny kurs dołara ŭ Biełarusi vyras na 30,4%, u Rasii — na 53,1%, va Ukrainie — na 59,1%.Taki vynik praviedzienaha BiełaPAN analizu dynamiki kacirovak u troch krainach.
Z pačatku 2008 hoda situacyja na valutnych rynkach hetych dziaržaŭ raźvivałasia pa padobnym scenaryi: prykładna da siaredziny leta nacyjanalnaja hrašovaja adzinka niaznačna ŭmacoŭvałasia, a potym z toj ci inšaj chutkaściu padała.
Biełaruś. Za pieršyja siem miesiacaŭ i pieršy tydzień žniŭnia 2008 hoda aficyjny kurs dołara źniziŭsia na 1,8% — z 2.150 da 2.111 rubloŭ. Hety kurs (samy nizki paśla 3 kastryčnika 2003 hoda) fiksavaŭsia z 8 žniŭnia pa 10 vieraśnia i z 25 vieraśnia pa 1 kastryčnika. Paśla hetaha dołar padaražeŭ na 4,2%, i na kaniec hoda jaho kurs skłaŭ 2.200 rubloŭ. 2 studzienia 2009 hoda aficyjnaja kaciroŭka amierykanskaj valuty była pavyšana na 20,5% da 2.650 rubloŭ. Da kanca studzienia kurs pavialičyŭsia jašče na 3,8% da 2.752 rubloŭ (novy histaryčny maksimum). Sumarny rost skłaŭ 30,36%.
Rasija. Z 1 studzienia pa 16 lipienia 2008 hoda aficyjny kurs dołara źniziŭsia na 5,8% — z 24,5462 da 23,1255 rubla (samy nizki kurs paśla 13 sakavika 1999 hoda). Da 31 śniežnia dołar padaražeŭ na 27% da 29,3804 rubla, a ŭ studzieni hetaha hoda — jašče na 20,5% da 35,4146 rubla (novy histaryčny maksimum). Sumarny rost kursu — 53,14%.
Ukraina. Z pačatku studzienia da druhoj pałovy lipienia 2008 hoda dołar patańnieŭ na 4,2% — z 5,05 da 4,84 hryŭny. Takaja kaciroŭka fiksavałasia 21—23 lipienia (najmienšaja paśla 7 śniežnia 1999 hoda). Potym pačaŭsia rost aficyjnaha kursu, jaki da 19 śniežnia dasiahnuŭ 62,8% — 7,8788 hryŭny za dołar, što stała novym histaryčnym maksimumam (najaŭny — 10 hryŭnaŭ). Da kanca hoda aficyjnaja kaciroŭka źniziłasia na 2,3% da 7,7 hryŭny. Na hetym uzroŭni jana pratrymałasia ŭvieś studzień hetaha hoda. Sumarny rost kursu dołara — 59,09%.