Dziaržduma Rasii paprasiła ŭrad uvieści sankcyi suprać Hruzii
Dziaržduma zaklikała ŭrad ŭvieści sankcyi suprać Hruzii. Adpaviednuju zajavu «Ab mahčymych dadatkovych ekanamičnych mierach u suviazi z antyrasijskimi pravakacyjami ŭ Hruzii» pryniali adnahałosna.
U dakumiencie adznačajecca, što «adkrytyja vypady radykalnych siłaŭ hetaj krainy viaduć da dalejšaj dehradacyi rasijska-hruzinskich adnosin».
7 lipienia ŭ efiry telekanała «Rustavi 2» televiadučy Hieorhij Habunija niecenzurna abraziŭ Pucina. Aficyjnyja ŭłady Hruzii padvierhnuli dziejańni viadučaha krytycy; kiraŭnictva kanała adchiliła jaho ad efiru na dva miesiacy, ale admoviłasia zvalniać.