Bacharevič admoviŭsia ad udziełu ŭ premii Hiedrojca: nie dazvalajuć jaho pohlady na litaraturu
Čarhovaja premija imia Ježy Hiedrojca pačałasia sa skandału. Ad udziełu ŭ premii admoviŭsia piśmieńnik Alhierd Bacharevič. Amal štohod jon uvachodziŭ u vynikovuju trojku, ale nivodnaha razu nie pieramoh: 2018, 2016, 2013, 2012 hadach stanaviŭsia druhim, u 2014 — trecim.
Alhierd Bacharevič zaŭsiody chadziŭ u favarytach, ale tak ni razu i nie vyjhraŭ premiju.
Žury zaŭvažyła, što jaho novuju knihu «Maje dzievianostyja» nichto nie zajaviŭ na konkurs. Tady arhanizatary sami źviarnulisia da Bachareviča z prapanovaj naminavacca. A ŭ adkaz atrymali nastupny list:
«Hetym listom ja chaču aficyjna paviedamić Vam, što mnoj było pryniataje rašeńnie nie ŭdzielničać sioleta ŭ rozyhryšy premii Ježy Hiedrojca. Takoje rašeńnie pryniataje z šerahu samych roznych pryčyn, jakija majuć jak śvietapohladny, tak i tvorčy, a taksama asabisty charaktar. Maje pohlady na litaraturu i litaraturny praces nie dazvalajuć mnie brać udzieł u premijalnaj honcy».