Padčas pratestaŭ u Hruzii paciarpieli bolš za 30 žurnalistaŭ
Padčas pratestaŭ u Tbilisi ad dziejańniaŭ palicyi paciarpieŭ 31 supracoŭnik hruzinskich ŚMI, piša Hruzija Onłajn.
Usie paciarpiełyja žurnalisty byli paranienyja humovymi kulami.
Tak, fatohraf vydańnia Civil.ge Huram Muradaŭ atrymaŭ 11 humovych kulaŭ, u žurnalistki telekampanii Rustavi 2 Tamar Bahašvili byŭ zafiksavany pierałom plača, jaje praapieravali. Člen słužby achovy Rustavi 2 Hieorhij Sułašvili straciŭ voka, u jaho złamanaja skivica. Taksama źbili i zatrymali žurnalista Pieršaha kanała Hruzii Niku Muchihułašvili, u jaho raźbita videakamiera.
Hruzinskija žurnalisty vystupili z asudžeńniem pieravyšeńnia pravaachoŭnikami svaich paŭnamoctvaŭ.