Što padaryŭ Łukašenka vysokim haściam II Jeŭrapiejskich hulniaŭ FOTY
Alaksandr Łukašenka padaryŭ vysokim haściam, jakija prybyli ŭ Biełaruś na adkryćcio II Jeŭrapiejskich hulniaŭ, ekskluziŭnyja suvieniry, paviedamlaje BiełTA.
Dla ŭsich VIP-haściej, ź jakimi asabista sustreŭsia kiraŭnik dziaržavy, byŭ padrychtavany śpiecyjalny nabor padarunkaŭ. Heta pano «II Jeŭrapiejskija hulni 2019 hoda». Jano vyrablena z moranaha dubu, jakomu amal paŭtary tysiačy hadoŭ. Hety materyjał zaŭsiody ličyŭsia ŭnikalniejšym i vykarystoŭvaŭsia dla afarmleńnia samych darahich interjeraŭ. Pamier pano składaje 35x40 sm. Jano vykanana ŭ simvolicy II Jeŭrapiejskich hulniaŭ. Na im zamacavany miedaljony, jakija simvalizujuć 15 vidaŭ sportu, pradstaŭlenych na multyspartyŭnym forumie.
Alaksandr Łukašenka taksama padaryŭ kožnamu z vysokich haściej ekskluziŭny nabor šakaładu i talisman II Jeŭrapiejskich hulniaŭ — lisiania Losika.
Alaksandr Łukašenka ŭručaje pamiatnyja padarunki prezidentu Hruzii Sałome Zurabišvili.
Alaksandr Łukašenka ŭručaje padarunki kiraŭniku Čačenskaj Respubliki Rasijskaj Fiederacyi Ramzanu Kadyravu.
Alaksandr Łukašenka ŭručaje pamiatnyja padarunki prezidentu Sierbii Alaksandru Vučyču.