Pamierła pasažyrka maršrutki, jakuju siońnia prataraniła fura pad Brestam
U apieracyjnaj Kamianieckaj rajonnaj balnicy pamierła pasažyrka maršrutki, jakaja sutyknułasia siońnia ranicaj z hruzavikom, paviedamiŭ hałoŭny doktar Bresckaj vobłaści Viktar Michałoŭski, piša BiełTA.
U žančyny była adkrytaja čerapna-mazhavaja traŭma. Ź miesca DTZ jaje adrazu dastavili ŭ reanimacyjnaje adździaleńnie. «Žančyna zahinuła. Jana atrymała traŭmy, niesumiaščalnyja z žyćciom. Na vyhlad joj kala 60 hadoŭ», — skazaŭ Viktar Michałoŭski.
Pavodle jaho słoŭ, ciapier u Kamianieckaj balnicy zastajucca 11 pasažyraŭ maršrutki, u tym liku adna niepaŭnaletniaja. Jašče adnu dziaŭčynu i piaciarych paciarpiełych dastavili ŭ Brest. Siarod ich i 38-hadovy kiroŭca maršrutnaha taksi, u jakoha dyjahnastavany množnyja pierałomy i zakrytaja čerapna-mazhavaja traŭma.