Rasijski pravasłaŭny kamunist, jaki spravakavaŭ masavyja pratesty ŭ Tbilisi: Ja siadzieŭ na miescy śpikiera i ŭ inšych krainach
Rasijski deputat-kamunist Siarhiej Haŭryłaŭ u intervju «Kamiersantu» raspavioŭ pra toje, čamu sieŭ u kresła kiraŭnika hruzinskaha parłamienta na Mižparłamienckaj asamblei pravasłaŭja.
Čytajcie. U Tbilisi vychadka rasijskaha deputata spravakavała masavyja pratesty VIDEA
«Kudy mianie zaprašaje sieści prymajučy bok — tam ja i znachodžusia. Pa pratakole heta hanarovaje miesca advodzicca mienavita staršynstvujučamu Hienasamblei, a nie sakrataram. A Hienieralnuju asambleju viadzie tolki prezident Mižparłamienckaj asamblei pravasłaŭja — u dadzienym vypadku ja», — raspavioŭ Haŭryłaŭ.
Pavodle słoŭ deputata, jon siadzieŭ na takim ža miescy i ŭ parłamientach inšych krain, ale heta nie stvarała prablem. Haŭryłaŭ padkreśliŭ, što jon «ścipły čałaviek», i hatovy pracavać «choć na prystaŭnoj taburetcy», paviedamlaje Lenta.ru.
Hruzinskaja apazicyja zakidała butelkami i abliła vadoj Siarhieja Haŭryłava paśla taho, jak jon adkryŭ mierapryjemstva, siedziačy ŭ kreśle kiraŭnika hruzinskaha parłamienta.