Źjaviŭsia treci ŭ śviecie ŭładalnik $100 miljardaŭ
Fota ź Vikipiedyi
Prezident hrupy kampanij Louis Vuitton Moët Hennessy (LVMH) i jaje asnoŭny ŭładalnik, francuzski biznesmien Biernar Arno ŭvajšoŭ u lik ludziej z bahaćciem bolš za $100 miljardaŭ, paviedamlaje RBK sa spasyłkaj na Bloomberg.
Pa padlikach jaho ekśpiertaŭ, za minuły dzień kapitał Arno vyras amal na $3 młrd, da $100,4 młrd. Takim čynam, ahulnaja kolkaść «stamiljarderaŭ» (centibillionaire, jak nazyvaje ich Bloomberg) u śviecie vyrasła da troch: raniej hetaha tytuła ŭdastoilisia zasnavalnik Amazon Džef Biezas i zasnavalnik Microsoft Bił Hiejts.
Z pačatku 2019 hoda kapitał Arno dziakujučy rostu koštu akcyj LVMH (na 43%) vyras amal na $ 32 młrd, što dazvoliła jamu rezka palepšyć svajo stanovišča ŭ rejtynhach miljarderaŭ. U pačatku sakavika Arno ŭpieršyniu zdoleŭ uvajści ŭ top-3 rejtynhu Bloomberg Billionaires Index, paciaśniŭšy kiraŭnika inviestkampanii Berkshire Hathaway Uorena Bafieta.