Sapraŭdnyja simvały Biełarusi — «Chutka-Smačna» i mifičnyja «papiccot». Krama suvieniraŭ vypuściła aryhinalnyja znački
Minskaja krama suvieniraŭ Zorka Venera vypuściła aryhinalnyja znački z sučasnymi simvałami Biełarusi. Na ich nie zubry i vałoški, a kijosk «Chutka-Smačna», abiacany zarobak «papiccot» i žoŭtaja vaza ź minskaha praśpiekta Niezaležnaści.
«Našy novyja piny — nie stolki i nie tolki pra Minsk (choć žoŭtaja vaza — heta luboŭ), jany pra kožnaha z nas. Heta ž my pastajanna čujem pra «papiccot», usio viedajem pra złatku z «Chutka-Smačna», lubim našu bulbu, hanarymsia svajoj unikalnaj «ŭ» i spadziajemsia na cud, jaki padoryć paparać-kvietka ŭ kupalskuju noč.
Hetyja simvały choć i dalokija ad sałamianych lalek i inšaj suvienirna-muziejnaj atrybutyki, ale pa-sapraŭdnamu blizkija da našaj realnaści», — raskazvaje krama pra novyja znački.