U Homielskim rajonie dzicia ŭpała ŭ pamyjnuju jamu. Jaho vyratavała mama
Niaščasny vypadak adbyŭsia viečaram 6 červienia ŭ vioscy Mičurynskaja Homielskaha rajona.
Jak stała viadoma, chłopčyk 2014 hoda naradžeńnia pad nahladam mamy hulaŭ z mylnymi burbałkami ŭ kampanii inšych dziaciej. Nieŭzabavie dzicia pabiehła za burbałkaj, nastupiła na luk pamyjnaj jamy čatyrochkvaternaha žyłoha doma i pravaliłasia.
Śviedkam zdareńnia stała mama małoha. Jana ž i kinułasia ratavać syna. Pašancavała, što kałodziež byŭ niehłybokim: kožnyja dva dni jaho vypampoŭvali traktaram.
Na nastupny dzień žančyna z synam źviarnułasia ŭ abłasnuju dziciačuju kliničnuju balnicu. Na ščaście, chłopčyk abyšoŭsia rankami na plačy i śpinie.
Paśla incydentu kryšku pamyjnaj jamy apieratyŭna zamacavali, miesca vakoł jaje abharadzili.