Tramp praciahnuŭ svarku z meram Łondana i nazvaŭ jaho «nikčemnym łuzieram»
Prezident ZŠA Donald Tramp, nie paśpieŭšy prylacieć u Łondan ź dziaržaŭnym vizitam, pasvaryŭsia — zavočna, praz tvitar — z meram Łondana Sadzikam Chanam, jaki paraŭnaŭ jaho z fašystami minułaha stahodździa.
«Sadzik Chan, pa ŭsich artykułach žudasna drenny mer, pa-durnomu škodzić ŭ adnosinach da prezidenta Złučanych Štataŭ, jaki prylacieŭ, krainy, jakaja źjaŭlajecca samym hałoŭnym chaŭruśnikam Złučanaha Karaleŭstva. Nikčemny łuzier, lepš by zaniaŭsia złačynnaściu ŭ Łondanie», — napisaŭ Tramp u svaim tvitary.
Hety tvit Tramp apublikavaŭ prykładna ŭ toj samy čas, kali jaho samalot pryziamliŭsia ŭ łondanskim aeraporcie Stansted — heta značyć, heta było pieršaje, što zajaviŭ prezident ZŠA, apynuŭšysia na brytanskaj ziamli. Jon prybyŭ u Brytaniju z trochdzionnym dziaržaŭnym vizitam.