Saakašvili viarnuŭsia va Ukrainu FOTY, VIDEA
Były prezident Hruzii i eks-hubiernatar Adeskaj vobłaści Michaił Saakašvili, jakomu napiaredadni viarnuli ŭkrainskaje hramadzianstva, viarnuŭsia va Ukrainu.
Samalot ź im na borcie pryziamliŭsia ŭ kijeŭskim aeraporcie «Baryspal», prybyŭšy z Varšavy. Tut jaho sustreli žurnalisty, paplečniki pa partyi «Ruch novych sił» i prosta prychilniki. Chtości z narodnymi tancami i pieśniami, a chtości — z karavajem. Choram śpiavali himn Ukrainy.
Sam Saakašvili zapuściŭ na svajoj staroncy ŭ Facebook anłajn-tranślacyju svajho prybyćcia.
Byłomu vyhnańniku pryjšłosia ź ciažkaściu pradziracca praz natoŭp da vychadu. Pa darozie jamu padaryli kvietki, chtości navat pasadziŭ na ruki dzicia.
Inšyja ludzi ź jaho rejsa pieraskokvali praz aharodžu, kab abyjści vialikuju čarhu žadajučych sustreć Saakašvili.
Fota: Eldar Sarachman, UP.
U rešcie rešt, eks-hubiernataru ŭdałosia vyjści z terminała na vulicu, dzie jon vystupiŭ z pramovaj.