MZS Biełarusi apaviaściła rasijskaje pasolstva ab zatrymańni KDB troch hramadzian Rasii
Pasolstva Rasii ŭ Biełarusi atrymała aficyjnaje paviedamleńnie ad MZS Biełarusi pra zatrymańnie KDB troch hramadzian Rasii. Pra heta Tut.by paviedamiŭ pres-sakratar pasolstva Rasii ŭ Biełarusi Alaksiej Maskaloŭ.
Fota: Tut.by.
Jany zatrymanyja ŭ suviazi z padazreńniem u ździajśnieńni złačynstva, praduhledžanaha č.2 art. 431 KK RB (davańnie chabaru).
«U suviazi z hetym, u adpaviednaści z ustalavanaj praktykaj, nakiravali zapyt u kampietentnyja biełaruskija orhany ab dostupie konsulskich supracoŭnikaŭ da hetych hramadzian RF», — dadali ŭ pasolstvie.
Alaksiej Maskaloŭ taksama dadaŭ, što ŭ paviedamleńni MZS Biełarusi nie paviedamlajecca, što zatrymanyja prachodziać pa tych samych epizodach, źviazanych z apošnimi hučnymi zatrymańniami ŭ Biełarusi.