MZS Litvy pra sustreču eks-prezidenta krainy z Łukašenkam: Paksas nie pradstaŭlaje našu palityku
Litoŭski jeŭraparłamientar Rałandas Paksas, jaki sustreŭsia z Alaksandram Łukašenkam, nie pradstaŭlaje Litvu, zajaviŭ litoŭski ministr zamiežnych spraŭ Linas Linkiavičus, piša Delfi.
«Jon pradstaŭlaje siabie, i jašče, jak kaža, kahości, ale ja chaču źviarnuć uvahu na toje, što jon sapraŭdy nie pradstaŭlaje Litvu, nie pradstaŭlaje našy viedamstvy i našu palityku», — zajaviŭ ministr.
Jon adznačyŭ, što palityk nie ŭzhadniaŭ svaich dziejańniaŭ ź ministerstvam. U čaćvier u Minsku Paksas sustreŭsia z prezidentam Biełarusi Łukašenkam, a taksama ź ministram enierhietyki Viktaram Karankievičam. Jon paviedamiŭ, što abmiarkoŭvaŭ pytańni biaśpieki Biełaruskaj AES u Astraŭcy, mahčymaj demilitaryzacyi Kalininhradskaj vobłaści i Litvy. U śniežni minułaha hoda jon sustrakaŭsia z prezidentam Rasii Uładzimiram Pucinym.