Tadžykskija čynoŭniki abhruntavali pavyšeńnie cen na internet kłopatam pra zdaroŭje nasielnictva
Ułady Tadžykistana ŭdvaja pavysili taryfy na sotavuju suviaź i mabilny internet, zaniepakoiŭšysia zdaroŭjem hramadzian. Pra heta partału ASIA-Plus zajaviŭ namieśnik staršyni Słužby suviazi krainy Iłchom Atojeŭ.
«Z pavyšeńniem cen na internet ludzi buduć pravilna karystacca im. Mienš buduć hulać i psavać svoj zrok, buduć bierahčy svajo zdaroŭje(…). Źviarnicie ŭvahu na moładź — hałovy apuščanyja, zaŭsiody siadziać u internecie», — skazaŭ Atojeŭ.
Čynoŭnik taksama vykazaŭ nadzieju, što ludzi pačnuć čytać knihi i mieć znosiny adzin z adnym.
Novyja taryfy na sotavuju suviaź i mabilny internet u Tadžykistanie pačali dziejničać z 18 krasavika. Ceny vyraśli amal udvaja: kali raniej za 1 hihabajt karystalnik płaciŭ 30-35 samoni (3,5 dalara), to ciapier košt taho ž abjomu interneta dasiahaje 63 samoni (6,7 dalara).