Brytanski komik pažartavaŭ pra insult i pamior
Brytanski stendap-komik Jan Kahnita pamior padčas vystupu paśla taho, jak pažartavaŭ pra insult, paviedamlaje Daily Mail.
Incydent adbyŭsia 11 krasavika ŭ bary Atic u Biściery (Oksfardšyr), dzie prachodziła kamiedyjnaje mierapryjemstva. Padčas stendapa Kahnita pažartavaŭ pra toje, što, kali jon ačuniaje paśla insultu, jon zmoža razmaŭlać na valijskaj. Praz 10 chvilin komik adčuŭ niedamahańnie i prysieŭ na kresła na niekalki chvilin.
Hledačy ŭspryniali jaho pavodziny jak praciah žartu i nie zapadozryli, što artystu patrabujecca dapamoha. Praź niekatory čas Kahnitu ŭsio ž taki vyklikali chutkuju dapamohu, adnak miedyki kanstatavali jaho śmierć.