Uładzimir Niaklajeŭ. Pamiaci Alesia Lipaja
Siońnia Alesiu Lipaju spoŭniłasia b 53 hady. Kiraŭnik Infarmacyjnaj kampanii BiełaPAN pamior 23 žniŭnia
Pamiaci Alesia Lipaja
Ty ŭzyšoŭ da niabios ad ziamli i vady,
Dzie źniamieła ziaziula, źličyŭšy hady
I stupiŭ u viaki, jakim źliku niama,
U jakich navat śmierć zabłukaje sama.
Chaj nie žonka jana, nie siastra, nie kuma,
Dy ciapier u jaje tvoj kijok i suma,
I abniaŭsia ty ź joj, kab u losie svaim
Nie zbłukaŭsia adzin, nie zastaŭsia adnym.
Paskarajučy krok, ty idzieš miž abłok,
I nie ciahnie suma, nie ślizhaje kijok
Ni pa kručach ziamli, ni pa chvalach vady,
Na jakich ty jašče pakidaješ ślady.
A kali na ziamli, i kali na vadzie
Anijakich śladoŭ ty nie ŭbačyš nidzie,
Tady ŭdarycca śmierć ab niabiesnuju ćvierdź —
I ziaziulaj źniamiełaj abierniecca śmierć.