U Maładziečnie rabotnik kacielni nachulihaniŭ u banku i handlovym centry na try hady abmiežavańnia voli
Sud u Maładziečnie vynies pryhavor 50-hadovamu rabotniku kacielni, jaki zładziŭ skandał u banku i ŭdaryŭ plaškaj pa hałavie administratara handlovaha centra, piša mlyn.by.
Vynieśli prysud — try hady abmiežavańnia voli biez nakiravańnia ŭ vypraŭlenčuju ŭstanovu adkrytaha typu. Mužčynu taksama buduć prymusova lačyć ad ałkahalizmu.
Zdareńnie adbyłosia 29 studzienia ŭ banku pa Prytyckaha i ŭ handlovym centry na Vialikim Haścincy.
Mužčyna paśla načnoj źmieny vypiŭ plašku likioru i zajšoŭ u bank, kab razbłakavać kartku. Vialikaja čarha aburyła klijenta, jon pačaŭ niecenzurna łajacca.
Achoŭnik zrabiŭ zaŭvahu, vyklikaŭ milicyju i zaharadziŭ vychad. Abvinavačany dvojčy ŭdaryŭ nahoj achoŭnika, adšturchnuŭ jaho ŭbok i ŭciok.
Paśla hetaha skiravaŭsia ŭ handlovy centr. Tam jon uziaŭ z pryłaŭka plašku vina, adkarkavaŭ, zrabiŭ niekalki hłytkoŭ i pastaviŭ na miesca. Umiašaŭsia administratar centra, za heta jon atrymaŭ plaškaj pa hałavie.
Paśla achoŭnik z hruzčykam utrymlivali debašyra da pryjezdu milicyi. U sudzie abvinavačvany całkam pryznaŭ svaju vinu i čystasardečna raskajaŭsia.
Sud uličyŭ raskajańnie abvinavačanaha, toj fakt, što mužčyna raniej nie pryciahvaŭsia da kryminalnaj adkaznaści i vynies prysud, nie źviazany z pazbaŭleńniem voli.