Na viečary pamiaci achviaram nacyzmu Rumas vystupaŭ pa-biełarusku
Paśla adkryćcia pomnika «Masiŭ imionaŭ» na terytoryi miemaryjalnaha kompleksu «Traścianiec» u Minsku adbyŭsia «Viečar pamiaci» — mierapryjemstva, pryśviečanaje pamiaci achviar nacyzmu.
Na viečary prysutničali premjer-ministry Biełarusi i Aŭstryi Siarhiej Rumas i Siebaśćian Kurc, kiraŭnik MZS Biełarusi Uładzimir Makiej i inšyja aficyjnyja asoby.
Usie vystupleńni byli pryśviečany trahiedyi Druhoj suśvietnaj vajny. Emacyjna vystupili pradstaŭniki jaŭrejskaj abščyny i vałanciory z Aŭstryi, jakija zajmajucca ŭšanavańniem zahinułych.
Premjer Rumas vystupiŭ pa-biełarusku i zhadaŭ, što biełarusy taksama hinuli ŭ Traściancy, što źniščalisia našy harady i vioski.
Palityčnych zajaŭ na mierapryjemstvie nie było.
Siebaśćian Kurc zajaviŭ, što adkryćcio pomnika «Masiŭ imionaŭ» na terytoryi miemaryjalnaha kompleksu «Traścianiec» stała załoham ahulnaj pamiaci biełaruskaha i aŭstryjskaha narodaŭ ab achviarach vajny.