Rabotnik aŭtamyjki skraŭ mašynu klijenta i pajechaŭ u Łahojsk. Haspadar adsačyŭ jaho z dapamohaj navihacyi
Za vykradańnie aŭtamabila zatrymany 24-hadovy raniej sudzimy minčanin, paviedamlaje staličnaja milicyja.
Klijent 16 sakavika pakinuŭ mašynu na adnoj ź minskich aŭtamyjek dla chimčystki sałona. Praź niekatory čas jamu paviedamili, što mašyna pakinuła myjku. Adsačyŭšy aŭtamabil z dapamohaj spadarožnikavaj navihacyi, niezadavoleny klijent vyśvietliŭ, što jaho mašyna imčyć pa MKAD. Paśla adrazu paviedamiŭ u milicyju.
Jak vyjaśniłasia, na čužym aŭto biez dazvołu źjechaŭ myjščyk. Jon paśpieŭ trapić u DTZ, ale źjechaŭ ź miesca zdareńnia. Zatrymali jaho ŭ Łahojsku.