Žychary Navapołacka atrymlivajuć fejkavyja paviedamleńni pra masavaje atručeńnie dziaciej napojami
Žycharam Navapołacka staŭ prychodzić fejk u vajbiery ź infarmacyjaj pra toje, što ŭ infiekcyjnym adździaleńni haradskoj balnicy Navapołacka pamior chłopčyk, paviedamlaje «Viektar TB».
U paviedamleńni havorycca pra toje, što jon vypiŭ napoj «Tarchun», paśla čaho ŭ jaho była intaksikacyja, 2 dni komy i što vyratavać jaho nie ŭdałosia. Taksama ŭ paviedamleńni była infarmacyja, što ciapier u reanimacyi ź piatnicy pad kropielnicaj lažyć dziaŭčynka i jašče šmat inšych dziaciej.
Akazałasia, što infarmacyja fejkavaja.
— Fakty, jakija raspaŭsiudžvajuć u sacyjalnych sietkach, nie majuć nijakaha paćvierdžańnia. Chtości pravakuje i stvaraje niezdarovuju abstanoŭku, — skazaŭ telekanału namieśnik hałoŭnaha lekara Navapołackaj centralnaj haradskoj balnicy Ihar Mužyčenka.