U Mikaševičach u handlara narkotykami kanfiskavali 8,5 kiłahrama marychuany
U Mikaševičach supracoŭniki Łuninieckaha RAUS zatrymali narkazbytčyka z bujnoj partyjaj marychuany, paviedamlaje UUS Bresckaha abłvykankama.
Raniej 43-hadovy žychar horada Mikaševičy Łuninieckaha rajona ŭžo pryciahvaŭsia da kryminalnaj adkaznaści. Apieratyŭnikami ŭ chodzie pieratrusu pa miescy žycharstva ŭ padvale šmatkvaternaha doma było znojdziena i kanfiskavana kala 8,5 kiłahrama marychuany.
Zatrymany paviedamiŭ supracoŭnikam narkakantrolu, što zachoŭvaŭ narkatyčny srodak dla zbytu. U momant nabyćcia narkotykaŭ byŭ zatrymany i 32-hadovy miascovy žychar.
U dačynieńni da fihurantaŭ raspačatyja kryminalnyja spravy, vyznačajecca ich dačynieńnie da raspaŭsiudu narkatyčnych srodkaŭ na terytoryi rajona.