U Piečach aficer zakryŭ saboj sałdata, jaki vypuściŭ bajavuju hranatu ŭ akop
Zdareńnie adbyłosia ŭ Piečach 14 sakavika pry praviadzieńni płanavych zaniatkaŭ pa ahniavoj padrychtoŭcy, paviedamlaje pres-słužba Minabarony.
Padčas praktykavańnia pa kidańni ručnoj nastupalnaj hranaty RHD-5 sałdat vypuściŭ bajavuju hranatu ŭ akop.
Kiraŭnik zaniatkaŭ staršy lejtenant Dźmitryj Filipovič, prajaviŭšy mužnaść i vytrymku, zdoleŭ litaralna vykinuć svajho padnačalenaha za miežy akopa i zakryŭ svaim ciełam, padkreślivaje pres-słužba.
Abodva vajskoŭcy atrymali niaznačnyja traŭmy miakkich tkanak noh. Ich žyćciu ničoha nie pahražaje.