Baćkam hrodzienskich školnikaŭ prapanujuć abmierkavać, ci varta zabirać telefony na čas vučoby
Zajšoŭ u kłas — zdaŭ mabilny. Mienavita z hetaha «arhanizavanaha mierapryjemstvy» siońnia pačynajecca navučalny dzień školnikaŭ niekalkich škoł abłasnoha centra. Hetaja praktyka budzie pašyrana, piša «Hrodzienskaja praŭda».
— U paradku ekśpierymientu aktualnaja jana siońnia i ŭ šerahu škoł u rajcentrach. Ź pieršaha ž vieraśnia nastupnaha navučalnaha hoda jak rekamiendacyja budzie hučać dla ŭsich ustanoŭ adukacyi, — raspaviała načalnik adździeła hałoŭnaha ŭpraŭleńnia adukacyi abłvykankama Taćciana Asmałoŭskaja.
Takija rašeńni nie buduć prymacca ŭ tak zvanym adnabakovym paradku. Va ŭsich škołach vobłaści ŭ bližejšy čas projduć baćkoŭskija schody, dzie kožny žadajučy zmoža vykazać svajo mierkavańnie z nahody novaŭviadzieńnia. Ale śpiecyjalisty hałoŭnaha ŭpraŭleńnia adukacyi zapeŭnivajuć, što padstaŭ dla chvalavańni niama. Pry nieabchodnaści baćki zaŭsiody mohuć źviazacca z kłasnym kiraŭnikom.
— Hetaja miera nakiravana i na praduchileńnie takoj źjavy ŭ maładziožnym asiarodździ, jak trolinh, kali padžartoŭvajučy nad adnakłaśnikami, školniki publikujuć niedarečnyja zdymki i videa ŭ sietki, — dadała Taćciana Asmałoŭskaja.