Futbalista, jaki adsiedzieŭ za piedafiliju, prapanavali nazaŭždy adłučyć ad sportu
Člen brytanskaha parłamienta Kłajv Efard ličyć, što byłomu futbalistu zbornaj Anhlii Adamu Džonsanu, asudžanamu za piedafiliju, varta zabaranić adnaŭleńnie prafiesijnaj karjery. Jaho słovy pryvodzić talkSPORT.
Adam Džonsan. Fota: wikipedia.org.
Džonsan vyjdzie na svabodu 22 sakavika, prabyŭšy za kratami pałovu terminu. Były vinhier «Sanderlenda» taksama zaniesieny ŭ śpis asob, jakija ŭčynili złačynstvy seksualnaha charaktaru.
«Ličycca, što futbalisty vałodajuć asablivym statusam u hramadstvie. Jany źjaŭlajucca rolevymi madelami. Tamu ja miarkuju, što ludziam, jakija adsiedzieli za padobnyja dziei, pavinna być zakrytaja daroha ŭ futboł», — ličyć Efard.
U sakaviku 2016 hoda Džonsan byŭ pryznany vinavatym u spakušeńni padletka. Hulec admaŭlaŭ na pasiadžeńni fakt seksualnaj suviazi z 15-hadovaj fanatkaj. U lutym taho ž hoda paśla pradjaŭleńnia Džonsanu abvinavačvańniaŭ «Sanderłend» skasavaŭ ź im kantrakt.