U centry Minska za $700 tysiač pradajuć stalinku ŭ «styli Ludovika XVI» — šmat FOTA
chacieli b žyć u takim interjery?
Kvatera na 4 pakoi zajmaje pałovu piataha paviercha ŭ domie stalinskaj pabudovy na vulicy Karła Marksa ŭ Minsku. Ahulnaja płošča — 136 mietraŭ. Jak śćviardžaje pradaviec, paśla ramontu ŭ kvatery nichto nie žyŭ. Haspadar choča za taki šyk atrymać 1,48 miljona rubloŭ (heta krychu mienš za $700 tysiač).
«Kvatera azdoblena ŭ styli epochi Ludovika XVI (heta stylistyka paryžskich kvater kanca 18 — pačatku 19 stahodździa)», — zamanliva paviedamlaje abjava. Udakładniajecca, što dyzajn vykanany z udziełam mastactvaznaŭcy.
Siarod cikavostak — antykvarny kaminny partał z čyrvonaha marmuru, ścienavyja paneli ručnoj raboty z raźboj i sastaranaj pazałotaj, čyhunnyja batarei ŭ staradaŭnim styli, italjanskaja mebla ŭ styli epochi Ludovika XVI.