U troch transpartnych chabach Łondana vyjavili vybuchovyja pryłady
U aŭtorak, 5 sakavika, na terytoryi troch klučavych transpartnych vuzłoŭ Łondana palicyja vyjaviła try pakiety ź nievialikimi samarobnymi vybuchovymi pryładami, paviedamlaje BBC.
Try pasyłki z vybuchoŭkaj vyjavili ŭ aeraporcie Chitroŭ, aeraporcie Łondan-Sici i na čyhunačnaj stancyi Vaterłoa.
U palicyi paviedamili, što «nievialikija samarobnyja vybuchovyja pryłady» byli zapakavanyja ŭ paštovyja kanvierty farmatu A4.
Kontrterarystyčnaje padraździaleńnie palicyi Łondana pačało rasśledavańnie. Śledstva ličyć, što hetyja incydenty źviazanyja pamiž saboj.
Nichto z pasažyraŭ abo rabotnikaŭ nie paciarpieŭ.