Jakija imprezy varta naviedać u stalicy ŭ pieršyja viasnovyja vychadnyja
Trymajcie našu padborku!
1. Lavon Volski prezientuje albom «Hravitacyja»
Kali: 2 sakavika (subota), 19:00
Dzie: Prime Hall (praśpiekt Pieramožcaŭ, 6)
Cana: 38.00 — 77.00 BYN
Čaho čakać?
Na kancercie zajhrajuć Lavon Volski (vakał, hitara), Pavieł Trypuć (hitara), Aleś-Francišak Myškievič (bas), Pavieł Mamonaŭ (bubny). Pieršaja častka kancerta budzie pryśviečanaja novamu albomu, a paśla muzyki vykanajuć samyja papularnyja pieśni z usiaho repiertuaru Lavona Volskaha. I kolki maestra ŭžo nie zarakaŭsia nie śpiavać na svaich kancertach «Try čarapachi», ale my čamuści ŭpeŭnienyja, što ŭ niadzielu bieź ich nie abydziecca.
Kvitkoŭ zastałosia nie tak šmat. Nabyć ich vy možacie praz našu afišu.
2. «Narodnyja mściŭcy»: film pavodle Vasila Bykava, jaki zdymali amal 10 hadoŭ
Kali:
2 sakavika (subota): 14:00, 15:15
3 sakavika (niadziela): 14:00, 15:15
Dzie: Kancertnaja zała «Minsk» (vuł. Kastryčnickaja, 5)
Cana: 10.00 BYN
BSSR, 1958 hod. Niečakana ŭ viosku ŭ hości da svajho siabra pryjazdžaje były supracoŭnik «orhanaŭ», Vusaŭ. Jaho tut usie dobra pamiatajuć pa aryštach i zabojstvach pierad vajnoj. Usie dumali, što jon zahinuŭ, ale ž nie, žyvie i vyhladaje niabłaha — maładžavy, u dobrym kaściumie, z ordenami.
Čaćviora viaskoŭcaŭ źbirajucca, kab abmierkavać navinu za butelkaj. Pryhadvajuć staryja kryŭdy, zabitych svajakoŭ. I vyrašajuć adpomścić. A pomsta za takoje moža być tolki adna — śmierć.
«Zabić nielha adpomścić. Kosku pastaŭ sam». Mienavita hety słohan adlustroŭvaje sutnaść filma.
Praz adsutnaść finansavańnia zdymki filma zaciahnulisia amal na 10 hadoŭ. Z dapamohaj kraŭdfandyhu taksama nie atrymałasia sabrać patrebnuju sumu, ale ž režysior Alaksandr Mielichaviec znajšoŭ mahčymaść ažyćciavić prajekt.
U filmie hrajuć akciory RTBD: Dźmitryj Davidovič, Arciom Kureń i Illa Jasinski.
Režysior prosić padtrymać stužku, «kab usie pabačyli, što kino pa-biełarusku zapatrabavanaje».
Kvitki možna nabyć na Bycard.by.
3. Raźvivalna-zabaŭlalnyja zaniatki dla dzietak ad «Art Siadziby»
Kali: 2 sakavika (subota), 13:00
Dzie: Kafe «Hraj» (vulica Internacyjanalnaja, 33)
Cana: 20.00 BYN
Zaniatki #DziciačyKlub ad «Art Siadziby» — vydatnaja mahčymaść pravieści čas razam sa svaimi dziećmi. Ci naadvarot, mahčymaść 2 hadziny pryśviacić sabie, nie chvalujučysia za dzicia.
«Dziciačy klub» spryjaje raźvićciu tvorčaha patencyjału, kamunikatyŭnych navykaŭ, ahulnaj erudycyi i kruhahladu. Usie zaniatki dastupnyja dla dzietak, jakija jašče nie vałodajuć biełaruskaj movaj.
Hetym razam zaniatki buduć pryśviečanyja historyi farby. Dzietki zhulajuć u «Žest», daviedajucca, čym malavali raniej, adkul pačynalisia kolery, z čaho raniej rabili farby, navučacca malavać adnym koleram, pazajmajucca tematyčnymi teatralnymi eciudami.
Rekamiendavany ŭzrost: 3 — 12 hod.
Kvitki možna nabyć na bezkassira.by.
4. Špacyr pa tatarskich miescach Minska
Kali: 2 sakavika (subota), 13:00
Dzie: zbor kala hatela «Viktoryja» (praśpiekt Pieramožcaŭ, 59)
Cana: biaspłatna.
Niahledziačy na toje, što sinoptyki pieradajuć nie samy dobry prahnoz na subotu, schadzić na ekskursiju varta. Ładzić jaje mastackaja hrupa Slavs and Tatars, a heta značyć, što špacyr abiacaje być vielmi cikavym.
Kali vy dałučyciesia da jaho, to dakładna daviedajeciesia, jak paznać pa proźviščy, što pierad vami tataryn, dzie ŭ Minsku znachodzilisia tatarskija harody i čamu harodnina ź ich ličyłasia najlepšaj u horadzie, čamu pa tatarskich knihach kitabach vučonyja vyvučali historyju biełaruskaj fanietyki i adkul źjaviŭsia mif pra talerantnaść. I heta daloka nie poŭny śpis cikavostak.
Zbor eksursijnaj hrupy a 12:00 kala hatela «Viktoryja» (praśpiekt Pieramožcaŭ, 59).
5. «Paŭlinka» ŭ Kupałaŭskim
Kali:
2 sakavika (subota), 19:00
3 sakavika (niadziela), 11:30
Dzie: Kupałaŭski teatr (vulica Enhielsa, 7)
Cana: 5.00 — 22.00 BYN
Kali vam raptam zachočacca ŭspomnić prahramu 8 kłasa pa biełaruskaj litaratury (naprykład, chto taki Adolf Bykoŭski ci chto zaŭsiody lubiŭ paŭtarać «kachanieńkija-rodnieńkija»), to naviedajcie Kupałaŭski. Tam na vychadnych pakažuć «Paŭlinku» — pastanoŭku, što nie sychodzić z teatralnych padmostkaŭ užo 70 hadoŭ.
Śpiektakl rekamiendavany dla prahladu jak darosłym, tak i dzieciam (12+). Vydatnaja nahoda schadzić u teatr usioj siamjoj.
Pačytać pra pastanoŭku padrabiaźniej možna tut. A voś nabyć kvitki praz našu afišu, na žal, nie atrymajecca. Raskupili! Ale admysłova dla vas padkazka: niekalki kvitočkaŭ jašče jość na sajcie teatra. Upeŭnienyja, što chutka i ich nie zastaniecca. Tamu raim paśpiašacca.