Pucin prezientavaŭ novy vid zbroi
Prezident Rasii Uładzimir Pucin u pasłańni Fiederalnamu schodu pradstaviŭ najnoŭšy vid zbroi.
Havorka pra hipierhukavuju rakietu «Cyrkon». Jon adznačyŭ, što ŭ chodzie abviaščeńnia pasłańnia ŭ minułym hodzie jon paabiacaŭ pastupova raskazvać pra novyja ŭzbrajeńni.
«Siońnia liču mahčymym taksama aficyjna prainfarmavać vas i jašče pra adnu pierśpiektyŭnuju navinku. Voś pavoli budziem raspaviadać, što ŭ nas tam, u zahašniku. Dyk voś, jašče pra adnu pierśpiektyŭnuju navinku, praca nad jakoj idzie paśpiachova i ŭ zapłanavanyja terminy, biezumoŭna, budzie zavieršana, a mienavita pra hipierhukavuju rakietu «Cyrkon», — skazaŭ Pucin.
Jon udakładniŭ, što marskaja rakieta «Cyrkon» budzie mieć chutkaść 9 machaŭ (adzin mach — 340 m/s) i dalokaść bolš za 1000 km, joj buduć uzbrojeny nadvodnyja i padvodnyja karabli, jak pierśpiektyŭnyja, tak i tyja, što budujucca.
Uładzimir Pucin taksama raspavioŭ pra inšyja pośpiechi Rasii: pačałasia sieryjnaja vytvorčaść kompleksu «Avanhard», pačałasia vytvorčaść «Sarmata». Pavodle jaho słoŭ, najnoŭšaja zbroja «Pieraśviet» i «Kinžał» pakazała svaju efiektyŭnaść, paśpiachova prachodziać vyprabavańni «Buravieśnika» i «Pasiejdona».