Na Homielščynie na šostyja sutki znajšli cieła inśpiektara achovy pryrody, jaki pravaliŭsia pad lod
Na šosty dzień pošukaŭ znojdziena cieła inśpiektara, jaki pravaliŭsia pad lod na race Słuč u Žytkavickim rajonie, piša BIEŁTA.
Jak paviedamlałasia, 4 lutaha dvoje mužčyn pierachodzili raku i ŭ niejki momant pravalilisia pad lod. Adzin ź ich zdoleŭ vybracca, druhi nie.
U jaho pošukach było zadziejničana niekalki hrup, u tym liku i supracoŭniki Homielskaha i Salihorskaha Tavarystva vyratavańnia na vodach, rabotniki Homielskaha abłasnoha i Pinskaha rajonnaha padraździaleńniaŭ MNS.
Pa słovach śpiecyjalistaŭ, u miescy pravału hłybinia składała 4—7 mietraŭ, jak i dalej pa ciačeńni.
«Cieła 39-hadovaha žychara Pietrykava atrymałasia znajści 9 lutaha ŭ 15.30 za paŭtara kiłamietra ad miesca pravału. Płyniaj mužčynu zabiła pad lod, u miesca, dzie adlehłaść miž hruntam i lodam składała 50 sm. Tolki dziakujučy prafiesijanalizmu śpiecyjalistaŭ Tavarystva vyratavańnia na vodach, jakija adpracoŭvali ŭsie mahčymyja varyjanty, jaho ŭdałosia znajści», — padkreśliŭ śpiecyjalist Homielskaj abłasnoj arhanizacyi TVVAD Uładzimir Akulin.
Śpiecyjalisty ŭ čarhovy raz nahadvajuć, što kožny, chto vychodzić na lod, pavinien mieć pry sabie vyratavalnyja srodki i być u ratavalnaj kamizelcy.