Ministr Karpienka anansavaŭ źmienu formy vypusknych ispytaŭ u škołach
Ministr adukacyi Ihar Karpienka anansavaŭ źmienu formy ispytaŭ dla vypusknikoŭ škoł. Pra heta jon raspavioŭ u intervju prahramie «Kontury» telekanała ANT, piša Tut.by.
Karpienka adznačyŭ, što prahramy ŭ siaredniaj škoły blizkija da aptymalnych. «Razam z tym my ŭbačyli, što jość prablema, što nie kožny nastaŭnik u poŭnaj miery hatovy realizoŭvać hetuju prahramu. Staić pytańnie ab tym, što treba surjozna zaniacca pavyšeńniem kvalifikacyi nastaŭnikaŭ», — zajaviŭ ministr.
Jon nahadaŭ, što da 1 vieraśnia treba vydać jašče 73 padručniki i liniejka pad novuju prahramu budzie zavieršana.
«I pahladzim na sistemu atestacyi školnikaŭ. Siońnia heta adna z formaŭ zahruzki navučenca. Dapuścim, 11-y kłas, vypuskniki - zdajuć 4 ispyty, pryčym usie ekzamieny prachodziać u całkam inšaj formie, čym ŭstupnaja kampanija ŭ VNU», - zajaviŭ ministr.
Pry hetym Karpienka padkreśliŭ, što źmieny nie buduć «jak hrom siarod jasnaha nieba», ich buduć abmiarkoŭvać i prapracujuć ź piedahahičnaj hramadskaściu.
Kab źmianić formu atestacyi, treba choć by hod-dva, udakładniŭ jon.