U Breście pjany baćka zachacieŭ pavučyć dačku kiravańniu. Usio skončyłasia DTZ i zatrymańniem
Navučańnie kiravańniu pjanym baćkam svajoj dački skončyłasia avaryjaj i zatrymańniem, paviedamlaje DAI UUS Bresckaha abłvykankama.
Ilustracyjnaje fota.
Incydent adbyŭsia 2 lutaha, kala 18.15. 19-hadovaja dziaŭčyna jechała na Mazda pa praśpiekcie Mašerava ŭ Breście i sutyknułasia z Citroen.
Pry afarmleńni DTZ 43-hadovy baćka dziaŭčyny, jaki jechaŭ u Mazda jak pasažyr, rastłumačyŭ, što jon pieradaŭ kiravańnie aŭto dačce, tamu što sam trochi vypiŭ. Taksama jon paviedamiŭ, što dačka navučajecca ŭ aŭtaškole, tamu jon vyrašyŭ zaadno padvučyć jaje.
Kali inśpiektary pačali składać pratakoł, mužčyna vyskačyŭ sa słužbovaha aŭtamabila i pačaŭ uciakać, ale amal adrazu ž jaho zatrymali.
Miedycynski ahlad pakazaŭ, što jon sapraŭdy pjany — 0,8 pramile ałkaholu.
Suprać dziaŭčyny supracoŭniki DAI skłali try pratakoły. Na jaje baćku skłali pratakoł za pieradaču kiravańnia biaspraŭniku, paśla čaho advieźli ŭ RAUS.