Pieršaja sproba EKA ŭ Biełarusi stanie biaspłatnaj
Ekstrakarparalnaje apładnieńnie ŭ Biełarusi nieŭzabavie stanie biaspłatnym. Jak paviedamlaje «Sielskaja hazieta», Ministerstva achovy zdaroŭja prapracoŭvaje narmatyŭnyja akty, kab na hetu darahuju praceduru vydzialać srodki ź biudžetu. Da prahramy płanujuć padklučyć i pryvatnyja miedycynskija centry. Darečy, tema i raniej hučała ŭ viedamstvie. Inicyjataram abmierkavańniaŭ vystupaŭ RNPC «Maci i dzicia» i prapanoŭvaŭ uvieści kvatavańnie EKA. Heta mieła na ŭvazie mahčymaść praviadzieńnia niekalkich cykłaŭ apładnieńnia, ale ŭ miežach vydzielenaha finansavańnia dla kožnaj pary. Zaraz, padobna, vyrašyli spynicca tolki na adnoj sprobie. Heta aznačaje, što ŭ vypadku niaŭdačy nastupnyja pracedury EKA siamja budzie apłačvać z svajoj kišeni.