Viasnovyja Dni adčynienych dźviarej: EHU zaprašaje abituryjentaŭ u Stary horad Vilni!
30-31 sakavika Jeŭrapiejski humanitarny ŭniviersitet (EHU) zaprašaje biełaruskich staršakłaśnikaŭ na viasnovyja Dni adčynienych dźviarej u Vilni. Sustreča adbudziecca ŭ novym navučalnym korpusie EHU — u budynku Aŭhustynskaha klaštara ŭ Starym horadzie Vilni.
Na Dniach adčynienych dźviarej abituryjenty i ich baćki daviedajucca pra novyja i abnoŭlenyja bakałaŭrskija prahramy: «Vizualny dyzajn», «Jeŭrapiejskaja spadčyna», «Miedyja i kamunikacyja», «Suśvietnaja palityka i ekanomika», a taksama ab prahramie bieśpierapynnaha navučańnia «Mižnarodnaje prava i prava Jeŭrapiejskaha sajuza».
Udzielniki Dzion adčynienych dźviarej paznajomiacca z vykładčykami, studentami i vypusknikami EHU, zmohuć zadać pytańni pra pastupleńnie, stypiendyi i prahramy abmienu, a taksama zdać ustupnyja ispyty va ŭniviersitet.
Jak prajšli zimovyja Dni adčynienych dźviarej EHU.
Pry rehistracyi da 3 lutaha EHU akazvaje biaspłatnuju vizavuju padtrymku vyklučna dla navučencaŭ škoł i kaledžaŭ, a taksama słuchačam kursaŭ centra «Prapilei» (Minsk).
Zarehistravacca na Dni adčynienych dźviarej u Vilniusie vy možacie ŭžo zaraz pa spasyłcy.
Rehistracyja na ekzamieny bieź vizavaj padtrymki — da 20 sakavika.
Prahrama Dzion adčynienych dźviarej
30 sakavika (subota) projdzie vystava navučalnych prahram EHU, profilnyja sustrečy abituryjentaŭ z vykładčykami, studentami i administracyjaj. Abituryjenty taksama voźmuć udzieł u śpiecyjalnym varkšopie «Ja (nie) humanitaryj» i zmohuć zdać ustupny ispyt pa anhlijskaj movie.
31 sakavika (niadziela) projduć ustupnyja ekzamieny pa ese i kampazicyi. Atrymanyja vyniki abituryjenty mohuć vykarystoŭvać pry pastupleńni ŭ EHU ŭ 2019 hodzie.
Abnoŭlenyja prahramy EHU i mahčymaści navučańnia ŭ Vilni
U 2019 hodzie EHU prapanuje hranty dla poŭnaha ci častkovaha pakryćcia koštu navučańnia, a taksama stypiendyi dla studentaŭ ź Biełarusi i inšych krain.
U miežach navučańnia na abnoŭlenych prahramach EHU studenty buduć rehularna pracavać nad asabistym prafiesijnym i akademičnym partfolia, jakoje dazvolić im prajści praktyku ŭ prestyžnych mižnarodnych arhanizacyjach, a taksama značna pavialičyć mahčymaści na rynku pracy paśla zaviaršeńnia navučańnia.
Navučańnie na prahramach «Vizualny dyzajn» i «Jeŭrapiejskaje spadčyna» hruntujecca na zvarocie da artefaktaŭ jeŭrapiejskaj kultury. Pavodle navučalnaha płanu studentam prapanujecca ŭdzieł u palavych škołach u haradach, jakija adnosiacca da farmiravańnia jeŭrapiejskaj intelektualnaj tradycyi: Vilnia, Sankt-Pieciarburh, Fłarencyja i Afiny. Na praciahu kožnaha hodu navučańnia studenty buduć pracavać nad asabistym prajektam, jaki pryśviečany asnoŭnym haradam palavoj škoły.
Prahramy navučańnia śpiecyjalizacyj «Miedyja i kamunikacyja», «Suśvietnaja palityka i ekanomika» i «Mižnarodnaje prava i prava Jeŭrapiejskaha sajuza» hruntujucca na zvarocie da prablematyki sacyjalnych transfarmacyj u Biełarusi i rehijonie praz pryzmu jeŭrapiejskaj intelektualnaj tradycyi.
Spałučajučy kursy ahulnaŭniviersiteckaj padrychtoŭki ź pieradavymi profilnymi dyscyplinami ad śpiecyjalistaŭ-praktykaŭ, prahramy farmirujuć roznabakovych prafiesijanałaŭ, jakija atrymlivajuć mižnarodnaje pryznańnie i šyrokija mahčymaści ŭ karjernaj śfiery.
Z 2019 hoda EHU stanovicca bolš adkrytym i aktyŭna raźvivaje mižnarodnuju aryjentacyju. Va ŭniviersitet pryciahvajucca zamiežnyja studenty i vykładčyki z krain Jeŭropy i ZŠA. Akramia taho, fokus u sistemie acenki vynikaŭ studentaŭ źmiaščajecca z adznak za pracu ŭ navučalnych kursach da praktyčnych dasiahnieńniaŭ navučencaŭ.
U novym navučalnym hodzie studenty, jakija prademanstrujuć vysokija vyniki praz realizacyju asabistych akademičnych i tvorčych prajektaŭ, zmohuć atrymać hrant na navučańnie ci stypiendyju.
Jeŭrapiejski humanitarny ŭniviersitet — adziny biełaruski ŭniviersitet, jaki ažyćciaŭlaje svaju dziejnaść u miežach jeŭrapiejskaj intelektualnaj tradycyi i kirujecca pryncypami libieralnaj adukacyi. Navučańnie ŭ EHU ažyćciaŭlajecca pa madeli svabodnych mastactvaŭ (anhł. Liberal arts), što dazvalaje maksimalna raskryć kreatyŭny i akademičny patencyjał studentaŭ, raźvić adaptyŭnaść i navyki krytyčnaha myśleńnia. Navučalny praces prahramy ahulnaŭniviersiteckaj padrychtoŭki EHU hruntujecca na kalektyŭnaj pracy studentaŭ i vykładčykaŭ. Akramia kłasičnych lekcyj, studenty ŭciahnutyja ŭ takija sučasnyja formy vučebnaj dziejnaści, jak simpoziumy, ćjutaraty, kanfierencyi, sieminary, indyvidualnyja kansultacyi i anłajn-zaniatki.