Madura: U nas jość rasijskaja zbroja najvyšejšaha ŭzroŭniu, prybyvaje kožny miesiac
Va ŭładaŭ Vieniesueły jość rasijskaje ŭzbrajeńnie «samaha vysokaha ŭzroŭniu», a piersanał prajšoŭ padrychtoŭku ŭ Rasii. Pra heta Nikałas Madura skazaŭ u intervju rasijskamu ahienctvu «RIA Novosti».
«U častcy vajennaha supracoŭnictva ŭ nas jość rasijskaja technika samaha vysokaha ŭzroŭniu, samyja sučasnyja sistemy ŭzbrajeńniaŭ znachodziacca ŭ Vieniesuele, jany dobra razhornutyja, uvieś naš piersanał pracuje, jon prajšoŭ padrychtoŭku ŭ Rasii. U nas vielmi dobryja ŭzajemaadnosiny ŭ častcy vajennaha supracoŭnictva z Pucinym», — zajaviŭ jon.
Na pytańnie, ci budzie jon prasić novuju zbroju, Madura adkazaŭ: «U nas zaŭsiody jość płany prasoŭvańnia ŭ supracoŭnictvie, kab palapšać pavietranuju biaśpieku, artyleryju, rakietnuju techniku. Zaŭsiody my tut budziem ruchacca napierad. I ŭ Vieniesuełu budzie prybyvać samaja sučasnaja ŭ śviecie zbroja».
«Jana prybyvaje kožny miesiac, kožny miesiac jość supracoŭnictva. I heta narmalna, tut niama ničoha ekstraardynarnaha», — zajaviŭ Madura.