Siarod zatrymanych u padziamiellach kala Kramla byli i biełarusy
19 studzienia, na pravasłaŭnaje Vadochryšča, u kanalizacyjnym kalektary ŭ rajonie Kramla zatrymali 15 čałaviek, paviedamlajuć maskoŭskija ŚMI.
Siarod ich jość žychary Biełarusi. Jany zajavili, što chacieli skupacca ŭ race Niahlinnaja. Niahlinnaja — heta maskoŭski anałah minskaj Niamihi. Kreml byŭ zbudavany pry ŭpadzieńni Niahlinnaj u Maskvu-raku. Z časam «Niahlinku» całkam uziali ŭ truby pad ziamloj.
U maskoŭskich dyhieraŭ jość tradycyja kupacca ŭ kaladnuju noč u kalektary Niahlinnaj, ale niadaŭna častku kamunikacyj tam pierakryli i pastavili sihnalizacyju.
Usiaho ŭ Maskvie ŭ chryščenskich kupańniach uziali ŭdzieł 270 tysiač čałaviek. Zvyčaj akunacca ŭ pałonku ŭźnik u 90-ja hady. Zababonnyja ludzi miarkujuć, što na Vadochryšča možna zmyć ź siabie hrachi.