Vypuskniki BDU zaniepakojenyja padzieńniem pazicyj VNU adrazu ŭ niekalkich suśvietnych rejtynhach. Pres-słužba: Heta śpiekulacyja
U redakcyju «Našaj Nivy» źviarnulisia vypuskniki BDU, jakija źviarnuli ŭvahu na toje, što ich rodnaja navučalnaja ŭstanova pačała imkliva źnižać pazicyi ŭ suśvietnych rejtynhach.
«My jak vypuskniki BDU chacieli b źviarnuć uvahu na padzieńnie BDU ŭ suśvietnych rejtynhach, jakoje pačałosia ŭ 2018 hodzie. Dziaržaŭnyja ŚMI heta nie apublikujuć, ale pra heta treba pisać», — było napisana ŭ liście.
Byłyja studenty ŭ jakaści dokazaŭ svaich słoŭ pryvodzili spasyłki na artykuły pra źnižeńnie pazicyj u nastupnych rejtynhach: Round University Rankings. U 2017-m hodzie BDU zajmaŭ tam 666-je miesca, u 2018-m — užo 706-je, to bok minus 40 pazicyj. Taksama źviartałasia ŭvaha na nastupnyja analizy: QS World University Rankings (z 334-ha na 354-je miesca, adpaviedna); Times Higher Education World University Rankings (minus 200 pazicyj: z 801+ u 2017-m hodzie na 1001+ miesca praz hod); U.S. Best Global Universities (z 668-ha na 697-je miesca); The Three University Missions (MosIUR — Maskoŭski mižnarodny rejtynh «Try misii univiersiteta») — minus 148 pazicyj.
Pres-słužba BDU: «Vidavočnaja niekampietentnaść i niedaśviedčanaść ŭ hetym pytańni kamientataraŭ i ŚMI»
My źviarnulisia ŭ rektarat BDU z prośbaj raspavieści, ci viadziecca niejkaja praca nad tym, kab adnavić byłyja vysokija pazicyi ŭ mižnarodnych rejtynhach.
U BDU nam rastłumačyli, što dadzienuju statystyku ŭ VNU ŭvažliva adsočvaje śpiecyjalnaja rejtynhavaja hrupa, i što, viadoma, praca ŭ hetym kirunku viadziecca, bo navat patrapić u luby rejtynh — niaprostaja zadača (suśvietnych rejtynhaŭ bolš jak 20).
Biełaruski dziaržaŭny univiersitet udzielničaje ŭ 11 ź ich, ale pryjarytetnymi dla VNU źjaŭlajucca try: Šanchajski, THE i QS.
«Hetyja rejtynhi — samyja aŭtarytetnyja i prestyžnyja. Ich składalniki pracujuć niepasredna z dadzienymi VNU i ŭručnuju praviarajuć ŭsiu infarmacyju. Dadzienyja rejtynhi aceńvajuć abmiežavanuju kolkaść vyšejšych navučalnych ustanoŭ, u miežach 500-1500, i tendencyja BDU tut pazityŭnaja: zachoŭvajecca doŭhaterminovy trend pa ŭvachodžańniu ŭ lik 2% najlepšych VNU śvietu», — raspaviali ŭ pres-słužbie BDU.
U BDU źviarnuli ŭvahu na toje, što źmieny pazicyj u mnohich mižnarodnych rejtynhach čaściakom źviazanyja z pavieličeńniem kolkaści udzielnikaŭ, a taksama sa źmianieńniami ŭ mietadałohii raźliku.
Tak, sapraŭdy, kali ŭ rejtynhu časopisa Times Higher Education jašče ŭ 2017-m hodzie ŭdzielničali da 1000 VNU, to ŭ 2018-m ich lik dasiahnuŭ 1258.
«Nievialikija vahańni (20—50 pazicyj uvierch/uniz) nie źjaŭlajucca značnymi i adbyvajucca rehularna praktyčna z usimi VNU. Naprykład, BDU ŭ QS World University Rankings u 2011—2012 hadach raźmiaščaŭsia ŭ hrupie 501—550, u 2013-m — 551—600, u 2014-m — 491-500, u 2015-m — 421—430, u 2016-m — 354 miesca, u 2017-m — 334-je. A ŭ 2018 hodzie viarnuŭsia na ŭzrovień 2016-ha hoda — 354 miesca.
U svaju čarhu, Maskoŭski mižnarodny rejtynh «Try misii univiersiteta» (The Three University Missions, MosIUR) aryjentavany na śpiecyfiku rasijskaj adukacyi. U 2017-m hodzie jon zapuściŭ piłotnuju viersiju, uklučyŭšy kala 250 VNU, a ŭ listapadzie 2018-ha hoda hety rejtynh pašyryŭ puł da 500 univiersitetaŭ. Adpaviedna, pazicyja BDU pamianiałasia praparcyjna pavieličeńniu kolkaści ŭdzielnikaŭ. Anałahičnaja situacyja adbyłasia z rejtynham THE. C 2015 hoda kolkaść VNU ŭ im pavialičyłasia z 800 da 1258», — źviartajuć uvahu ŭ BDU.
Što tyčycca dziejańniaŭ, jakija BDU pravodzić, kab zachavać i pavysić svaje pazicyi ŭ rejtynhach — dziela hetych met na miescy realizujecca doŭhaterminovaja «Darožnaja karta». Jana ŭklučaje kompleks mierapryjemstvaŭ pa akazańni dapamohi vykładčykam, navukovym supracoŭnikam, aśpirantam i mahistrantam pry padrychtoŭcy i publikacyi navukovych artykułaŭ u viadučych zamiežnych časopisach, a taksama praduhledžvaje materyjalnaje zaachvočvańnie aŭtaraŭ za publikacyjnuju aktyŭnaść u časopisach, uklučanych u bazu dadzienych Scopus.
«Tema rejtynhaŭ VNU siońnia demanstruje peŭnuju niekampietentnaść i niedaśviedčanaść ŭ hetym pytańni. Jak vynik — dyskryminacyja imidžu ŭniviersiteta, śpiekulacyja na hetuju temu i najaŭnaść niepiśmiennych kamientaroŭ i publikacyj u asobnych ŚMI. Rekamiendujem čytačam «Našaj Nivy» abjektyŭna aceńvać usie krynicy, jakija interpretujuć tyja ci inšyja fakty ŭ dačynieńni da biełaruskaj vyšejšaj adukacyi», — padsumavali ŭ BDU.