ANT nazvała piaciorku najlepšych chakieistaŭ Kaladnaha turnira. Jak dumajecie, ci jość tam Łukašenka?
Hałoŭnaja padzieja apošnich dzion dla dziaržaŭnych miedyja — amatarski chakiejny turnir, u jakim tradycyjna prymaje ŭdzieł Alaksandr Łukašenka.
Telekanał ANT vyrašyŭ raznastaić aśviatleńnie spartyŭnaj padziei.
«Jak pryniata ŭ spartyŭnaj analitycy, vyvučym statystyku i śpisy hulcoŭ. Našy ekśpierty skłali simvaličnuju piaciorku turnira.
Heta nie rejtynh u pramym sensie, a, chutčej, najbolš zaŭvažnyja fihury», — patłumačyła ŭ efiry subotnich navinaŭ viadučaja Volha Sulimava.
Chto ž uvajšoŭ u piaciorku najlepšych?
- Dajnius Zubrus (1297 za NCHŁ, 227 hałoŭ + 363 halavyja pieradačy)
- Jozef Štumpieł (957 matčaŭ u NCHŁ, 196 hałoŭ + 481 halavych pieradač)
- Sami Chielenius (155 matčaŭ u NCHŁ, 2 hały + 4 halavyja pieradačy)
- Siuzanna Kałbienchajer — kiraŭnica kamiteta pa žanočym chakiei IIHF
-
Alaksandr Łukašenka — kiraŭnik Biełarusi.
«Zasłužana siarod najlepšych apynuŭsia i Alaksandr Łukašenka. Prezident Biełarusi — idejny natchnialnik turnira. Za 15 hadoŭ udzielničaŭ u kožnym. Pry hetym stabilna pakazvaje jarkuju hulniu i vynikovaść, što paćviardžaje hulniavaja statystyka», — abhruntavała svoj vybar Volha Sulimava.