Prafsajuzy abvinavacili ŭ prablemach biełaruskaj lohkaj pramysłovaści «azijackija kramy» z tannym adzieńniem
«Azijackija kramy» z tannym adzieńniem stali sapraŭdnaj prablemaj dla biełaruskich pradpryjemstvaŭ lohkaj pramysłovaści, zajaviŭ staršynia Biełaruskaha prafsajuza rabotnikaŭ lohkaj pramysłovaści Michaił Kaścian. Pavodle jaho słoŭ, biełaruskamu tavaru składana kankuravać z takoj pradukcyjaj praź jaje nizkija ceny.
«Vytvorcy z krain Paŭdniova-Uschodniaj Azii zapałanili naš rynak tavarami nienaležnaj jakaści i pa koštach značna nižejšych, čym na naš ajčynny pradukt. Heta vyklikaje źnižeńnie popytu na tavary biełaruskaj lohkaj pramysłovaści, što, u svaju čarhu, niehatyŭna adbivajecca i na ŭzroŭni zarabotnaj płaty rabotnikaŭ haliny», — padkreśliŭ Michaił Kaścian.