Viciablanka vyjhrała ŭ znaŭcaŭ rasijskaha «Što? Dzie? Kali?» amal $6000
Viciablanka Palina Ihnaćjeva-Kruk vyjhrała ŭ znaŭcaŭ «Što? Dzie? Kali?» 401 tysiaču rasijskich rubloŭ, abo 5820 dalaraŭ, paviedamlaje Tut.by. Finał hoda vyjšaŭ u efir «Pieršaha kanała» ŭ noč z 23 na 24 śniežnia.
Palina zadała pytańnie ab anhlijskaj karykatury XIX stahodździa, pryśviečanaj Rasii. Na joj jość ruski miadźviedź, ruski kazak, ruski mužyk, ruski pasoł i Alaksandr I. Znaŭcam treba było zrazumieć: jak aŭtar karykatury nazvaŭ centralnaha piersanaža ŭ vierchnim šerahu?
Znaŭcy adkazali «francuzski sałdat». Pravilny adkaz byŭ inšym - «ruski maroz».
U efiry ANT hulniu znaŭcaŭ suprać viciablanki i inšych telehledačoŭ možna budzie ŭbačyć 30 śniežnia.
Pytańni Paliny Ihnaćjevaj-Kruk jak minimum vosiem razoŭ hulali ŭ biełaruskim «Što? Dzie? Kali?». Čatyry razy jana vyjhravała, a jašče čatyry razy — sastupała znaŭcam.