Ciažarnaja mazyranka zarehistravałasia ŭ čarnobylskaj zonie — chacieła bolšaj hrašovaj dapamohi
Pierad rodami ciažarnaja žycharka Mazyra zarehistravałasia na terytoryi radyjeaktyŭnaha zabrudžvańnia dziela taho, kab atrymlivać bolšuju hrašovuju dapamohu, paviedamlaje Hienprakuratura.
Ciažarnaja žančyna pierad naradžeńniem dvajniat arandavała kvateru ŭ Naroŭli i zarehistravałasia pa novym adrasie. Pry hetym praciahvała žyć u domie muža ŭ Mazyry. Taksama budučaja mama atrymała paśviedčańnie paciarpiełaha ad katastrofy na Čarnobylskaj AES. Heta dało prava pryznačeńnia joj dapamohi pa dohladu za dziciem da dasiahnieńnia im trochhadovaha ŭzrostu ŭ pavialičanym na 50% pamiery.
Prakuratura Naraŭlanskaha rajona pravieryła zakonnaść pryznačeńnia žančynie statusu paciarpiełaj ad katastrofy na Čarnobylskaj AES. Akazałasia, što novanarodžanyja dzieci zarehistravanyja ŭ Mazyry i nazirajucca ŭ miascovaj haradskoj dziciačaj balnicy.
Prakuror Naraŭlanskaha rajona pradjaviŭ u sud pazoŭ ab pryznańni damovy najmu žyłoha pamiaškańnia niesapraŭdnaj i admienie rehistracyi žančyny ŭ Naroŭli. Paśla jana dobraachvotna skasavała damovu najmu.
Spravu spynili — žančynu karać nie buduć.